لو مكنتش تعرف، كيان إيجبت
هم الوكيل الحصري لشركة سيات في مصر.
سيات من سنين وهي مسيطرة على سوق الهاتشباك في مصر وده لأسباب معقولة، زي جمال التصميم الداخلي والخارجي والأداء الرياضي المُرضي وغيرها من الأسباب.
الأيام دي بتعلن كيان إيجبت عن الموديل اللي هيكسر الدنيا حرفيًا من فئة سيات إيبيزا واللي هيكون تحت اسم “ANNIVERSARY LIMITED EDITION” تزامنًا مع مرور 40 عام على أول انطلاقة ل سيات إيبيزا في العالم، يللا نشوف ايه الجديد.
بتيجي
النسخة المحدودة من إيبيزا بلون رمادي فريد اسمه “Graphene
Grey” وجنوط 18 بوصة "لونه رمادي"، كمان عليها زوائد حلية
ألمونيم غامق مط وفتحة سقف بانوراما، والشبك الأمامي والإكصدامات الخاصة بالنسخة FR الرياضية، والعلامة الأميز؛ شعار “Anniversary
limited edition” محفور بالليزر ف اكتر من موضع على البودي و في الدواخل بيديك
احساس بالتفرد ويفكرك كل شوية بإنك راكب النسخة المحدودة من عربية أثبتت تميزها عن
كل منافسينها بالنسخة الستاندارد، ما بالك بالنسخة المحدودة! ربنا يبارك للي هتكون
من نصيبه.
أما عن المواصفات الفنية والأداء ف انت بتتكلم عن موتور سعة 1.6 لتر بيطلع قوة 110 حصانن و عزم 152 نيوتن-متر موصول ب فتيس ست سرعات بينقل العربية من السكون ل 100كم/س في 10.8 ثانية وسرعة قصوى 190 كم/س.
الجميل
بقا ان في عرض متاح ولفترة محدودة لكل ملاك سيات إيبيزا؛ بالتعاون مع "توتال
إينرجيز" مجانًا تغيير زيت وفلتر موتور وطقم دواسات مميز عند إجراء الصيانة الدورية في أحد
مراكز خدمة كيان إيجبت.
ولمعلومات أكثر الخط الساخن 19178.
تمت
كلمات مفتاحية:
سيات - كيان موتورز- إبيزا - ايبيزا - أخبار السيارات - سيارات رياضية - سيارات شبابي - هاتش باك - هاتشباك
